Sherif Nagib · @SherifNagib
25th Aug 2013 from TwitLonger
كلمات أغاني ألبوم #رقصوك لـ #مشروع_ليلى
----------------------------------------------------------
**عبدو**
بين الشوارع صوت بيحوم
لقبوه عبدو المظلوم
قالوا مرة كان مغروم
بأرملة من بيت سلوم
قبرت قلبها والمرحوم
ونكرت صوته للمظلوم
عبدو ياللي كان مغروم
قرر عن الحب يصوم
نسوان الحي مصمودين
ببيوت رجالها المخمورين
شوفي يا جارة شوفي مين
إجا يغني ها المسكين
بيتدلوقوا محمومين
على الشارع مصفوفين
بإنتظار عبدو المسكين
ليغني بصوته الحزين
ورد خدي ورد يا ورد
ورد أحلى ورد يا ورد
ما إلو أريج ها الورد
دونك يا ورد يا ورد
**على بابه**
بنام وبستدعيك بأحلامي
بتخيل إيديك محل إيدي
ليش بركعلك ليش برجعلك بس تخنقني
ليش بشفعلك ليش بخضعلك بس تحرقني
قول إنو بيرضيك كيف ما بيرضيك
وبس بيبوسك وين ببوسك بعدك مابتتخيلني
قلبي بيدق على بابك وبتشنقني بالوتين
قلبي بيرميني قدام رجليك
كان نفسي أحميك وتؤذيني
كان نفسي أؤذيك وتحميني
من عيوبي وذنوبي وندوبي
بعيوبي وذنوبي وندوبي
قلبي بيدق على بابك وبتشنقني بالوتين
قلبي بيرميني قدام رجليك
دوب الليل بكأسي عشان أنام
الصحو بلاك مافيه سلام
قلبي بيدق على بابه وبيشتهي غيابه
قلبي بيدق على بابه وبيلتهف عذابه
**تاكسي**
طلاع يابني لوديك وين مابدك تروح
الطريق صعب وطويل وبيمتحن الروح
بس كبر جسمي صغر قلبي ليتحمل
طعم الخل يللي لقيتو بدل العسل
شئت أم أبيت العربية رح تمشي
ومشوارك ما إلو معنى متل كل شي
فيك تسوق ما ما تنساق بيرجعلك الخيار
قبل ما العالم ينساك بآخر المشوار
حتموت
غصباً عنك رح بتموت
**اسكندر معلوف**
حاج تؤكد على قفل الباب مافيك تتخبأ
من يلّي عم بيصير بجسمك يلّي عم بيصير بجسمك
بعتذر إني الألعاب ياللي منعوها عنك
فيك تلعب حدي إذا بدك، تلعب معي إذا بدك
بعتذر مني سكران كفاية لأستوعب
يلي عم بيصير براسي، يلي عن بيصيرب راسي
من فضلك ما تمسك إيدي ممكن جرك معي
ع المهور يلي قدامي، ع المهوار قدامي
بدي إغريك
بدي إغويك
خلي الناس تبيعد قلبي راح يفقع من راسي
النزيف ممكن يفضحهم، والنزيف ممكن يصدمهم
قول للناس تبيعد مخي رح يفقع من صدري
والنزيف ممكن يعديهم، النزيف ممكن يشفيهم
بدي إغريك
بدي إغويك
بدي إغريك
بدي إغويك
**للوطن**
غيرنا روض أعاصير ليتحكم بالمصير
ونحنا من نسيم منطير ومنرتد على التدمير
وبس تتجرأ بسؤال عن تدهور الأحوال
بيسكتوك بشعارات عن كل المؤامرات
خونوك القطيع كل ما طالبت بتغيير الوطن
يأسوك حتى تبيع حرياتك لما يضيع الوطن
قالولك..
حاج تبشر.. تعا رقصني شوي
ليش مكشر.. تعا رقصني شوي
**بيشوف**
أنا إستحضرت النكد
وزينت مزاره في داري
بيشوف بشغفي عصيان
بيشوف بفرحي خيانة
بيشوف
غضبي يبرره
وحزني بيشرّعه
ولمته عن سمّه
وأنا اللي بلعته
وشؤمي بيخيط
جسدي على خياله
لمته على كلامه
وأنا اللي تبعته
**ماتتركني هيك**
ماتتركني هيك..عم فتش عليك
بأسفل كل كاس.. بين تخوت الناس
بتوهم وجهك.. وبنادي اسمك
كأنه موشوم.. ع شفايفي بسموم
مزجها عفريت.. بحبر مميت
ماله دواء.. بخيبة الهوى
ما تتركني هيك.. ماتتركني هيك
حبيبي خليك.. وبيحلى السمر
بنشرب القمر.. ونوره بيرويك
بقطفلك النجوم.. بركبها ع تاج
ببنيلنا ملاذ.. وراء الغيوم
إذا بتهجر.. خد وعيي معك
ما أحلامي معك.. واتركني بـ المر
ما تتركني هيك.. ماتتركني هيك.. ماتتركني هيك
**رقصوك**
نبضه بيدق إيقاع كان يسمعله قبل ما استأصلوه
وركبوا عداد مصمم ع ما راق لهم بمحل قلبه
طاردوك وهذبوك.. ركعوك ودربوك
تتحرك زيهم
بالإيقاع إستعبدوك.. برمجوك وعلموك
كيف ترقص زيهم
صورتك عم تتلف بالمخفي اذبحها لتحرر ضميرك
كان في خيار وإنت رقصت
كنا أحرار ورقصت
كان في خيار وإنت رقصت
بالإنتحار وإنت رقصت
طاردوك وهذبوك.. ركعوك ودربوك
تتحرك زيهم
بالإيقاع إستعبدوك.. برمجوك وعلموك
كيف ترقص زيهم
صورتك عم تتلف بالمخفي اذبحها لتحرر ضميرك
**ونعيد ونعيد ونعيد**
فينا ننطر الفجر لنخلص عد النجوم
ونعيد ونعيد ونعيد
فينا نحمل الصخر فوق الجبل ونرميه
ونعيد ونعيد ونعيد
فينا نفتح عينينا لما يرموا فيها تراب
قل لهم لسة شايفين
فينا نرفض ناكل بعض ولو الناس شافت عظامنا
قل لهم مش جيعانين
فينا نزعزع لينهار القفص يللي صرناه
قل لي من شو خايفين
فينا نقاوم ليهلك الخيال اللي حاربناه
قل لهم لسة صامدين
فينا نحلق فينا نطير لما نرضى بالزحف
إذا منحمل الشتي المصير ييجي الربيع
قل لهم لسة واقفين
قل لهم لسة واقفين.. قل لهم لسة صامدين
قل لهم لسة شايفين.. قل لهم مش جيعانين
قل لهم لسة صامدين.. قل لهم مش جيعانين
**بحر**
يا ليل إحجبني، حجّبني بعتمتك
يا ليل إملئني، قويني بعتمتك
أخوي شاف السر، شاف السر، كان حا يبوح
أخوي جوّا الموج، جوّا الموج عم بينوح
والصيادين نائمين
يا بحر رجعلي، رجعلي أخوي
الموج سرقلي، سرقلي أخوي
أخدته حد البحر، خلي المياه تطهره
أخدته حد البحر، دبغت الموج بدمه
والصيادين غافلين، خامدين، نائمين
أخوي مع الحورية، رجعوه لي
الموج أخدلي أخوي، رجعوه لي
أخوي راح مع الفجر، رجعوه لي
أخوي بقعر البحر، لسة ما عاد لي