مرام · @MaramAdeL
25th Feb 2013 from Twitlonger
@ahmad_yahea
بص اقرأ دي لو فاضي:
الأول لديزاين ده يعتبر الماده الرئيسية في القسم عندنا و الكلام ده كتبته بعد ما اتخرجت بحاجه بسيطه
__________
اتفاجئت جدا و انا باقلب في المشاريع و الاسكتشات القديمه - اللي معرفش كنت شايلاهم لحد دلوقتي ليه!- اني كنت باجيب في الديزاين درجات كويسه في اولى و في تانيه .. و لحد التيرم الأول من تالته كنت كويسه جدا ..
و كان باين من اسكتشاتي اني كنت باوليها اهتماما ملحوظا ..
من أول مشروع المطار و انت طالع .. الموضوع باظ مني تماماااا ..
الاسكتشات اغلبها شكلها يقرف! ..
المشكله اني كنت باقنع نفسي دايما ان انا
مش شاطره في الديزاين و اني طول عمري كده !! بس طلعت مكنتش طول عمري كده ولا حاجه !
اينعم مكنتش جباره برضو بس كنت على الاقل “مُهتمه” ..
نفسي افهم منين جبت الاقتناع بتاع اني مش شاطره في الديزاين ده !؟
و ازاي ارتضيت لنفسي اني اصدق الكذبه دي و اختتم رحلتي الاكاديميه بالخراء المعماري اللي كنت باشتغله ده ! ..
ايا كان السبب مين و لا ايه .. فـ حسبي الله و نعم الوكيل فيه
الخلاصه : متسيبش حاجه في الدنيا تُملي عليك عكس اللي انت مقتنع بيه!
فكّر كويس اوي قبل ما تدخل فكرة جديده على حياتك .. اقعد مع نفسك و اعمل للفكرة انترفيو اعصرها فيه .. اعرف اصلها و فصلها و فكّـــر .. و اتأكد كويس اوي ان (((انت))) مقتنع بيها و …
كلامي دايما ليا قبل ما يكون ليك .. #طالباب
____________
متغلطش غلطتي :)