يا رب سوريا · @sesopasha
26th Nov 2011 from Twitlonger
شهادة احمد سامح @ahmedsamih عن ضرب اعتصام مجلس الوزراء :
في مجلس الوزراء الظابط مكنوش عارفين انه في اعتصام وأول ظابط نزل من العربية اتصل بحد وقاله انتوا بتلبسونا
وسمعته بيقول انا جاتني إشارة مكتوبة بخط سير هو صلاح سالم مجري العيون شارع القصر العيني مجلس الوزراء وفقط
كانوا ٦ عربيات ومدرعة فتحت باب العربية الاولي وقلت للسواق ارجع قالي معنديش أوامر ولازم اللي ورأيا يرجع الاول
بقيه الظابط نزلوا من عربيتهم ومكانوش عارفين هيعملوا اية والعساكر كانوا جوة العربيات ومش مستعدين
عقبال ما الظباط بيتكلموا كان ناس كثير جداً من التحرير جت تجري
وطبعا انا لو مكانهم وجاي اجري من بعيد وشايف امن مركزي ومتظاهرين بيهتفوا الداخلية بلطجية هفهم انه في هجوم
حاولنا نشاور للناس انها تهدا او نعمل كردون مننا بس ملحقناش الهجوم كان كاسح
طوب من كل اتجاة وملوتوف حاولنا نهدي الموقف ولكن فشلنا تمام بتاع المدرعة وهو بيلف ضرب قنبلة غاز بدون داعي برضو دخلت في كنيسة الفرنسيسكان
العربيات اتفرقت بعد الهجوم عليها ٣ في القصر العيني بالعكس والمدرعة و٣ دخلوا اول يمين حسين حجازي اللي دخلوا حسين حجازي نزلوا العساكر جاهزين
انا بصراحة كلمة الظابط بتاعت انتوا بتلبسونا دي خرمت ودني مكنش بيمثل يعني
انا مش من بتوع نظرية المؤامرة بس بصراحة كدة انا ابتديت احس ان في حد في الداخلية بيلعب لعب وسخ قوي
لو كان الأمن المركزي هيفض الاعتصام كان جهز قواته من الاول وخلي المدرعة قدام زي مبيحصل كل مرة بس في حد عندة أوامر بعدم الاحتكاك وبيلتف عليها
طبعا بعد كدة لقيت الشباب شايل شاب تقريبا ميت كميه الدم غير طبيعية وعدد من المصابين